ՀԱՄԱՅՆՔՆԵՐԻ ՎԱՐՉԱԿԱՆ ՍԱՀՄԱՆՆԵՐՈՒՄ ԳՏՆՎՈՂ ՊԵՏԱԿԱՆ ՍԵՓԱԿԱՆՈՒԹՅԱՆ ՀՈՂԵՐԸ ԱՆՀԱՏՈՒՅՑ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՀԱՄԱՅՆՔՆԵՐԻ ՓՈԽԱՆՑՄԱՆ ԱՇԽԱՏԱՆՔՆԵՐ
ՀՀ հողային օրենսգրքի և ՙՏեղական ինքնակառավարման մասին՚ ՀՀ օրենքի պահանջներին համապատասխան 01.01.2006թ. դրությամբ հանրապետության 915 համայնքներում ավարտվել են դրանց վարչական սահմաններում գտնվող պետական սեփականության հողերը անհատույց սեփականության իրավունքով համայնքներին փոխանցելու աշխատանքները /տես` հավելված 1/, որոնք սահմանված կարգով հաստատվել են ՀՀ կառավարության կողմից /տես` հավելված 2/:
ՀԱՄԱՅՆՔՆԵՐԻ ՎԱՐՉԱԿԱՆ ՍԱՀՄԱՆՆԵՐԻ ՆԿԱՐԱԳՐՄԱՆ ԱՇԽԱՏԱՆՔՆԵՐ
"Հայաստանի Հանրապետության վարչատարածքային բաժանման մասին" ՀՀ օրենքի պահանջներն ապահովելու նպատակով 01.01.2006թ. դրությամբ ավարտվել են հանրապետության 912 համայնքների վարչական սահմանների նկարագրման աշխատանքները /տես` հավելված 3/, որոնք սահմանված կարգով հաստատվել են ՀՀ կառավարության կողմից /տես` հավելված 4/: Լուծում են ստացել բազմաթիվ վիճելի սահմանային հարցեր:
ՊԵՏԱԿԱՆ ԵՎ ՀԱՄԱՅՆՔԱՅԻՆ ՀՈՂԵՐԻ ՕՏԱՐՈՒՄ
Հսկողություն է իրականացվել պետական և համայնքային սեփականության հողերի օտարումների օրինականությունների նկատմամբ: 2009 թ. ընթացքում ՀՀ մարզերում կայացել են շուրջ 650 աճուրդներ և շարունակվում են Հայաստանի Հանրապետություն օրաթերթում հրապարակվել հողամասերի աճուրդների և կառուցապատման նպատակով հողամասերի տրամադրման մրցույթների վերաբերյալ հայտարարություններ:
