Կադաստրի պետական կոմիտեն համագործակցում է միջազգային մի շարք կազմակերպությունների և օտարերկրյա պետությունների համապատասխան մարմինների հետ, մասնավորապես.
- Կադաստրի պետական կոմիտեն հանդիսանում է ՄԱԿ-ի ԵՏՀ հողի կառավարման աշխատանքային խմբի (ՀԿԱԽ) անդամ և 1999-2005թ հանդիսացել է այս կազմակերպության ղեկավար բյուրոյի անդամ
- Կադաստրի պետական կոմիտեն հանդիսանում է եվրոպական երկրների քարտեզագրական պետական մարմինների միության` "Եվրոգրաֆիկս" կազամակերպության անդամ
- Կոմիտեն համագործակցում է ՄԱԿ ՊԱԿ-ի հետ հողերի միավորման ծրագրերի իրականացման միջազգային ուղեցույցերի իրականացման ուղղությամբ:
- Համակարգը համագործակցում է նաև միջազգային կազմակերպությունների հետ` Համաշխարհային բանկը, ԱՄՆ ՄԶԳ, Շվեդիայի միջազգային զարգացման գործակալությունը, Շվեյցարիայի զարգացման գործակալությունը և այլ:
- Համակարգը ունի երկկողմ համագործակցության պայմանագրեր և հուշագրեր արտասահմանյան երկրների համապատասխան պետական մարմինների հետ, մասնավորապես` Շոտլանդիայի Ռեգիստրի, Լիտվայի Ռեգիստրի կենտրոնի, Շվեդիայի հողային ծառայության, Բելոռուսի գույքի պետական կոմիտեի, Ռուսաստանի Դաշնության գեոդեզիայի և քարտեզագրության դաշնային գործակալության և այլն:
- Կադաստրի պետական կոմիտեն հանդիսանում է գեոդեզիայի, քարտեզագրության, կադաստրի և երկրի հեռահար զոնդավորման ԱՊՀ անդամ պետությունների միջպետական խորհրդի անդամ
- 2006թ. մայիսի 17-18-ը Երևանում կազմակերպվեց այդ կազմակերպության 24-րդ նստաշրջանը, որին մասնակցում էին 8 երկրնեի 30 ներկայացուցիչներ:
- 2001 թվականի հոկտեմբերի 10-ից 13-ը և 2004 թվականի մայիսի 6-7-ը Երևանում կազմակերպվեց ՄԱԿ-ի ԵՏՀ հողի կառավարման աշխատանքային խմբի (ՀԿԱԽ) կոնֆերանսներ:
- Անցկացվել են մի շարք այլ սեմինարներ հողերի միավորման, անշարժ գույքի գնահատման, անշարժ գույքի գրանցման և այլ բնագավառներում:
- 2000թ. ՄԱԿ-ի փորձագետների կողմից Հայսատանում իրականացվել է Հողային ռեսուրսների կառավարման ուսումնասիրություն և հրատարակվել է համապատասխան զեկույցը:
- Համակարգի փորձագետները մասնակցել են ՄԱԿ-ի կողից մշակված հետևյալ ուղեցույցերի մշակմանը` "Հողային ռեսուրսների կառավարումը ՄԱԿ-ի ԵՏՀ տարածաշրջանում", "Անշարժ գույքի միավորների ինդենտիֆիկացիա" "Մասնավոր և պետական մարմինների համագործակցությունը հողային ռեսուրսների կառավարման ոլորտում", "Հողերի միավորման փորձնական ծրագրերի իրականացում":
ԿԱԴԱՍՏՐԱՅԻՆ ԾՐԱԳՐԵՐ
ՀԱՄԱՇԽԱՐՀԱՅԻՆ ԲԱՆԿԻ " ԱՆՇԱՐԺ ԳՈՒՅՔԻ ԳՐԱՆՑՈՒՄ" ՎԱՐԿԱՅԻՆ ԾՐԱԳԻՐ
Հայաստանի Հանրապետության և Միջազգային Զարգացման Ընկերակցության միջև կնքված "Անշարժ գույքի գրանցում" թիվ 3135 AM Վարկային Զարգացման համաձայնագրով նախատեսվում էր 1999-2003 թվականների համար 10,569.5 հազ ԱՄՆ դոլար, որից 8,000.0 հազ. ԱՄՆ դոլարը Համաշխարհային բանկի բաժնեմասն է, 1,400.9 հազ. ԱՄՆ դոլարª Պետական բյուջեի բաժնեմասը և 1,168.6 հազ ԱՄՆ դոլարª Անշարժ գույքի կադաստրի պետական կոմիտեի բաժնեմասը: "Անշարժ գույքի գրանցում" վարկային համաձայնագրով սահմանված է 6,000.0 հազ SDR, որը 1999թ-ի փոխարժեքով կազմում էր 8,000.0 հազ ԱՄՆ դոլար:
Ծրագրով աշխատանքներ են իրականացվել հետևյալ հիմնական ուղղություններով`
- Կադաստրային հանութագրում
- Տարածքային ստորաբաժանումների աշխատանքի աջակցում
- Տիեզերական հանութագրում
ԵՎՐՈՊԱԿԱՆ ՀԱՆՁՆԱԺՈՂՈՎԻ " ՊԱՐԵՆԱՅԻՆ ԱՊԱՀՈՎՈՒԹՅԱՆ ԾՐԱԳԻՐ "
Ծրագրի շրջանակներում 1998-2003թթ. ընկած ժամանակահատվածի համար դրամաշնորհ է հատկացվել ՀՀ բյուջեին գյուղական համայնքներում անշարժ գույքի նկատմամբ իրավունքների առաջին պետական գրանցման աշխատանքների իրականացման համար:
Ծրագիրը բաղկացած է երեք հիմնական մասերից.
- Կադաստրային քարտեզագրում:
- Սեփականության իրավունքի վկայականների և գրանցման միասնական մատյանների տպագրություն:
- Ինֆորմացիոն կառավարման համակարգի գլոբալ համակարգչային ցանցի ներդրում և սպասարկում:
ԱՄՆ ՄԶԳ " ՀՈՂԻ ԳՐԱՆՑՄԱՆ ԵՎ ՍԵՓԱԿԱՆՈՒԹՅԱՆ ԻՐԱՎՈՒՆՔԻ ՇՆՈՐՀՄԱՆ ԾՐԱԳԻՐ""
Ամերիկայի Միացյալ Նահանգների Միջազգային Զարգացման Գործակալությունը (ԱՄՆ ՄԶԳ) կադաստրի համակարգի հետ համատեղ, 1998-2001թթ. ընթացքում իրականացրել է "Հողի նկատմամբ սեփականության իրավունքի տրամադրման և գրանցման ծրագիր": Ծրագրի շրջանակներում հանրապետության 50 համայնքներում իրականացվել են կադաստրային քարտեզագրման աշխատանքներ: Բացի այդ ծրագրի շրջանակներում հանրապետությունում ներդրվել են "Անշարժ գույքի նկատմամբ իրավունքների գրանցման" և "Կադաստրային քարտեզների վարման" ավտոմատացված համակարգերը: Ծրագիրն ավարտվել է 2001 թվականի հունիսին:
ՇՎԵԴԱԿԱՆ ՄԻՋԱԶԳԱՅԻՆ ԶԱՐԳԱՑՄԱՆ ԳՈՐԾԱԿԱԼՈՒԹՅՈՒՆ (SIDA) "ԿԱԴԱՍՏՐԻ ՀԱՄԱԿԱՐԳԻ ԶԱՐԳԱՑՈՒՄԸ ՀԱՅԱՍՏԱՆՈՒՄ" ԾՐԱԳԻՐ
1999 թվականի օգոստոսին Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեն պայամանգիր է կնքել Շվեդական Շվեդական "ՍԻԴԱ՚ զարգացման գործակալության" և "Սվիդսրվեյ" ընկերության հետ, համաձայն որի "Սվիդսըրվեյը" "ՍԻԴԱ"-ի կողմից ֆինանսավորման հաշվին 2000-2006թթ. ընթացքում իրականացրել է "Կադաստրի համակարգի զարգացումը Հայաստանում" ծրագիրը:
Ծրագրի հիմնական խնդիրներն ենª Հայաստանի գեոդեզիական ցանցի վերականգնումը, անշարժ գույքի մասսայական գնահատման ընդհանուր հիմունքների հաստատման աջակցումը, ուսումնական դասընթացների անցկացումը կադաստրային քարտեզագրման, անշարժ գույքի շուկայական գնահատման, հողերի միավորման և այլ ուղղություններով:
Կոմիտեն 1998 թվականին պայմանագիր է կնքել նաև Շվեդիայի "Տեխնոլոգիայի Թագավորական Ինստիտուտի" հետ, համաձայն որի Շվեդական ՙՍԻԴԱ" զարգացման գործակալության ֆինանսավորման հաշվին տարեկան 2-3 ուսանողներ են ուղարկվում Շվեդիաª ուսանելու:
ՇՎԵՅՑԱՐԻԱՅԻ ԶԱՐԳԱՑՄԱՆ ԵՎ ՀԱՄԱԳՈՐԾԱԿՑՈՒԹՅԱՆ ԳՈՐԾԱԿԱԼՈՒԹՅԱՆ " ԱՆՇԱՐԺ ԳՈՒՅՔԻ ԿԱԴԱՍՏՐԻ ՀԱՄԱԿԱՐԳԻՆ ԱՋԱԿՑՈՒԹՅԱՆ ՆՊԱՏԱԿՈՎ ՖԻՆԱՆՍԱԿԱՆ ԵՎ ՏԵԽՆԻԿԱԿԱՆ ՀԱՄԱԳԱՐԾԱԿՑՈՒԹՅԱՆ " ԾՐԱԳԻՐ
2001թ. հոկտեմբերին Շվեյցարիայի և Հայաստանի կառավարությունների միջև կնքված համաձայնագրի համաձայն ՀՀ կառավարությանն առընթեր անշարժ գույքի կադաստրի պետական կոմիտեն Շվեյցարիայի Տոպոգրաֆիայի դաշնային գրասենյակի հետ համատեղ 2001թ. դեկտեմբերից մինչև 2003թ. մայիս իրականացրել է "Անշարժ գույքի կադաստրի համակարգին աջակցության նպատակով ֆինանսական և տեխնիկական համագործակցության" ծրագիրը: Ծրագիը իրականացվել է հետևյալ երեք հիմնական ուղղություններովª
- Ժամանակակից գեոդեզիական սարքավորումների ձեռքբերում.
Այս բաղադրիչով ձեռք է բերվել 1 մլն շվեյցարական ֆրանկ ընդհանուր արժողությամբ գեոդեզիական սարքավորումներ, այդ թվումª 36 տախեոմետրեր, 100 դիստո հեռաչափիչ սարքեր և 4 GPS ընդունիչներ:
- Համակարգի մասնագետների ուսուցում.
Ծրագրի իրականացման ընթացքում կազմակերպվել են սեմինարներ գեոդեզիական գործիքների սպասարկման և շահագործման ինչպես նաև թվային օրթոֆոտոքարտեզների արտադրության վերաբերյալ:
- ՀՀ տարածքում օդային լուսանկարահանման աշխատանքների իրականացում.
Այս բաղադրիչով Հայաստանի տարածքի 1/3-ում իրականացվել են օդային լուսանկարահանման աշխատանքներ: Աշխատանքներն իրականացվել են Շվեյցարիայի Տոպոգրաֆիայի դաշնային գրասենյակի կողմից, որը համապատսխան մշակումից հետո Կոմիտեին կտրամադրի թռիչքի տարածքի լուսանկարները, իսկ Երևան քաղաքի համար նաև պատրաստի օրթոֆոտո քարտեզները:
ԵՎՐԱՄԻՈՒԹՅԱՆ " ԻՆՏԵԳՐՎԱԾ ՀՈՂԱՅԻՆ ՌԵՍՈՒՐՍՆԵՐԻ ԿԱՌԱՎԱՐՄԱՆ " ԿՐԿՆԱԿՄԱՆ ԾՐԱԳԻՐ
Այս ծրագիրը համակարգում սկսել է իրականացվել 2003թ. մայիսից: Ծրագրի հիմնական նպատակն է Հայաստանի անշարժ գույքի ոլորտի պետական կառավարման համակարգը համատեղելի դարձնել Եվրոպական Միության երկրների համանման կառույցների հետ: Ծրագիրը իրականացվում է Եվրոպական Հանձնաժողովի ֆինանսավորմամբ, Շվեդիայի և Ֆինլանդիայի հողի հանութագրման ազգային ծառայությունների կողմից:
