Դեպի վեր
Կոմիտեի ղեկավար

 

Սարհատ Պետրոսյան

Տարեթիվ, ամսաթիվ, ծննդավայր
Ծնվել է 1981թ. սեպտեմբերի 27-ին, Սալմաստ քաղաքում։ 

 

Կրթություն
1997-2003 թթ. սովորել է Երևանի ճարտարապետության և շինարարության պետական համալսարանի ճարտարապետության ֆակուլտետում. ճարտարապետի (մագիստրոսի) որակավորում։

2003-2006 թթ. սովորել է Երևանի ճարտարապետության և շինարարության պետական համալսարանի ասպիրանտուրայում, ստացել ճարտարապետության թեկնածուի գիտական աստիճան (թեմա՝ Շուշիի քաղաքաշինական զարգացման և ռեաբիլիտացիայի խնդիրները)։
2011 թ. Երիտասարդ դասախոսների վերապատրաստման ծրագրով ուսանել է Կանզասի (ԱՄՆ) համալսարանի Ճարտարապետության, քաղաքաշինության և դիզայնի դպրոցում։

2015 թ. վերապատրաստվել է Ժնևի համալսարանի ՅՈՒՆԵՍԿՕ-ի Մշակութային ժառանգության պահպանության միջազգային իրավունքի ամբիոնում։


Աշխատանքային գործունեություն
2004-2017 թթ. դասավանդել է Ճարտարապետության և շինարարության Հայաստանի ազգային համալսարանի քաղաքաշինության ամբիոնում. դոցենտի գիտական կոչում (2014)։

2006-2018 թթ. հիմնադրել և ղեկավարել է ՍՊ2 նախագծային գրասենյակը։
2007 թ. աշխատել է «Հայնախագիծ» ինստիտուտի քաղաքաշինական արվեստանոցում։
2007-2018 թթ. միջազգային ու տեղական տարբեր ծրագրերում, այդ թվում՝ ՀԲ-ի, ԵԱՀԿ-ի, ԵՄ-ի, Գեթթի հիմնադրամի, ինչպես նաև ՀՀ կառավարության տարբեր գերատեսչություններում, եղել է քաղաքային պլանավորման և զարգացման փորձագետ։
2008-2011 թթ. աշխատել է «Պողոսյան պարտեզներ» կազմակերպությունում՝ որպես տնօրեն։
2012-2018 թթ. հիմնադրել և ղեկավարել է «ուրբանլաբ» քաղաքային անկախ հետազոտական կազմակերպությունը։
2015-2017 թթ. ղեկավարել է Եվրոպայի խորհրդի և Եվրոպական միության «Պատմական քաղաքներում համայնքի կողմից իրականացվող քաղաքային ռազմավարություններ (COMUS)» համատեղ ծրագիրը։
2018 թ. օգոստոսի 9-ից նշանակվել է ՀՀ անշարժ գույքի կադաստրի կոմիտեի ղեկավար։

 

Այլ տվյալներ
Մասնակցել է ավելի քան 40 գիտաժողովների և դասընթացների, հեղինակել կամ համահեղինակել է Հայաստանում և արտերկրում հրատարակված 18 աշխատություններ։ 2016-ին Վենետիկի ճարտարապետական բիենալեում համադրել է Հայաստանի ազգային տաղավարը։

ՀՀ ճարտարապետների պալատի, «Թրանսփարենսի ինթերնեշնլ» հակակոռուպցիոն կենտրոնի և «Եվրասիա համագործակցություն» հիմնադրամի խորհուրդների, ինչպես նաև ՀՀ Նախագահի մրցանակի արվեստի հանձնախմբի անդամ է։

Կուսակցական պատկանելություն
Անկուսակցական

Անձնական տվյալներ
Ամուսնացած է, ունի երկու դուստր: