Հունիսի 18-ին Կադաստրի կոմիտեի ղեկավար Սուրեն Թովմասյանը կոմիտեի պատասխանատուների հետ այցելել էր կոմիտեի «Հրազդան» և «Դիլիջան» սպասարկման գրասենյակներ:

Կոմիտեի ղեկավար Սուրեն Թովմասյանը և կոմիտեի ներքին վերահսկողության վարչության պետ Արթուր Ստեփանյանը գրասենյակներում ծանոթացել են ընթացիկ աշխատանքների կազմակերպմանը, զրուցել աշխատակիցների և գրասենյակներ այցելած քաղաքացիների հետ:

Քաղաքացիների ընդունելության ընթացքում ուսումնասիրվել են քաղաքացիներին հուզող կոնկրետ խնդիրներ, առաջարկվել լուծման հնարավոր տարբերակները։

Կոմիտեի սպասարկման գրասենյակներում կազմակերպվող նույնանման այցերը շարունակական կլինեն և հնարավորություն են տալիս մարզային գրասենյակներում էլ ավելի բարելավելու քաղաքացիներին մատուցվող ծառայությունների որակը և ընդլայնելու սպասարկման հնարավորությունները։