ՀՀ Կառավարության այսօրվա  նիստում հաստատվեց «Ինտեգրված կադաստրի ստեղծման ռազմավարական ծրագիրը հաստատելու մասին» որոշման նախագիծը։ Այն ներառում է առկա կադաստրային համակարգերի և տարածական տվյալների ներկա վիճակի նկարագրությունը, դրանցից յուրաքանչյուրի հետագա զարգացման հեռանկարները, միասնական համակարգի մեջ առանձին ոլորտների ինտեգրման տեխնիկական և կազմակերպական նախադրյալներն ու պայմանները։

Ի՞նչ ենք ակնկալում որոշման նախագծով․

• ստեղծել ՀՀ-ում Ազգային տարածական տվյալների ենթակառուցվածք և վերջինիս կարևոր բաղադրիչ  հանդիսացող ազգային գեոպորտալ, որը հնարավորություն է ընձեռնելու  մեկ միասնական հարթակում հավաքագրել, մշակել, տարածել և փոխանակել տարածական տվյալները՝ հիմքում ունենալով միջազգային ստանդարտները:

Ինտեգրված կադաստրի համակարգի ամբողջական ներդրմամբ ակնկալվում են հետևյալ հիմնական արդյունքները.

• ինքնաշխատ ամբողջական տեղեկատվական ռեսուրսի ստեղծում՝ փոխկապակցված տեղեկատվական փաստաթղթերի հիման վրա, տարածքների, տնտեսության, բնական պաշարների, բնապահպանական, քաղաքաշինական և այլ գործընթացների արագ և արդյունավետ կառավարում,
•  իրական համաժամանակային ռեժիմում փոխկապակցված, հավաստի տեղեկության միջոցով իրավիճակի համալիր վերլուծությամբ հիմնավորված որոշումների ընդունում՝ կրճատելով համաձայնեցումների գրավոր ձևերին տրամադրվող ժամանակը,
• ֆինանսական միջոցների և աշխատանքային ռեսուրսների խնայողություն,հասարակության իրազեկվածության մակարդակի բարձրացում,
• առաջավոր ինֆորմացիոն տեխնոլոգիաների և տեխնիկական միջոցների ներդրման արագություն և արդյունավետություն։