Աշխատանքային խորհրդակցություն

17.11.2026

Կադաստրի կոմիտեում նոյեմբերի 16-ին կայացավ հերթական աշխատանքային խորհրդակցությունը, որը վարեց կոմիտեի ղեկավար Սուրեն Թովմասյանը։

Աշխատանքային հանդիպման ընթացքում քննարկվեցին օրակարգում ներառված հրատապ և ընթացիկ հաձնարարականները, կոմիտեի աշխատանքի կազմակերպմանը վերաբերող տարաբնույթ հարցեր:

Կոմիտեի ղեկավարը հանձնարարությամբ՝ ՀՀ կառավարության 2026-2031 թթ. գործունեության ծրագրից բխող Կադաստրի կոմիտեի միջոցառումները կտարանջատվեն ըստ ստորաբաժանումների, կսահմանվեն պատասխանատուներ և կկատարվի աշխատանքների բաժանում:

Ֆինանսատնտեսագիտական վարչությանը հանձնարարվեց Կադաստրի կոմիտեում իրականացվելիք բոլոր միջոցառումների համար նախատեսված կապիտալ ծախսերը արտացոլել առաջիկա 3-ամյա միջնաժամկետ ծախսերի ծրագրում:

Առաջիկա օրերին կոմիտեի ղեկավարի մասնակցությամբ կկազմակերպվի Կադաստրի կոմիտեի 6-ամսյա կատարողականին վերաբերող քննարկում:

Գեոդեզիայի և հողաշինարարության վարչության պատասխանատուներին հանձնարարվեց կազմել առաջարկությունների փաթեթ՝ գեոդեզիական կետերի հաստատված ձևաչափերը գեոպորտալում ինտեգրելու վերաբերյալ: